|
|
|
|
|
|
|||
R A C C O N T I P O P O L A R I
A N G I U L Ì N « e P A S Q U A L Ì N «
C« stév« na vòt« na mamm« e nu patr«.
A mamm« iè mòrt« e u patr«, ch« t«név« dùji figlj«, z'è r«spusàt«.
Ma a matrìgn« n'i vulév« bbèn« e chìsti dùji uagliù, e i facév« sèmb« fatià:
- Mé Angiulì, muòv«t«! Piglj« l'acqu« e lav« ndèrr«. Iamm« Pasqualì! Va spàcch’i lén«. Sti magnapàn« e trad«miènd«!
Nu iuòrn« a matrìgn« à d«cis« ca i dùji uagliù z« n'év«na ì da cas« e ngàr«ch’u marìt« d« purtàrl« dénd'u vuòsch«, e rumanérl« ellà.
- Chìssi figlj« tuòj« m« fann« dannà, puòrt«l« dénd'u vuòsch« e lass«l« a la sv«ndur«.
- Ma sò i figlj« mij«, m« dòl'u còr« - respónn’u marìt«.
- D«cid«t«: o e mé o ssi diav«l« - m«nàccj’a móglj«.
I duj« uagliù sènd«n« tutt« còs« e a matìna dòp«, quànn'u patr« i va e chiamà p« partì pu vuòsch« p« fa i lén«, z« métten« dénd'a vórz« nu punj« d« cénn«r« p« j«ttarl« lluòng'a strat« p« r«truvà a vij«.
U patr«, cóm« év« dìtt’a matrìgn«, i lass« dénd'u vuòsch« ma Pasqualìn« e Angiulìn« r«tròv«n'a vij« da cas«.
- Ch« scjiè ccis«! Ngjiè bbuòn« e fa niènd«! - à dìtt’a matrìgn« cu patr« - Dumàn« l'à da purtà ecchiù lundàn«.
A matìna dòp«, u patr« làss'i uagliù ecchiù lundàn« e quann« z« fa scurdj«, i uagliù z« fann« curàgg«, e spètten« ch« rrìv'a matìn«.
E nu cièrt« pund« rrìv«n'i bbr«and« Bbarbaróšc«, Scarcial«nzòl«, Ped«ciuòpp«, Spilapìpp« e Surgìll«.
Chist«, mèndr« facév«n« šciarr« p« z« spartì i sòld«, sènd«n« i dùji uagliù ch« stév«n« ngòpp'e na cèrqu«l« tutt« mbaurìt« e, cr«dènn« ca iév«n’i spir«t« dannàt«, z« n« scapp«n« tutt« mbaurìt«.
Quann« z« fa iuòrn«, i dùji uagliù tròv«n« nu zizì ch« stév« facènn'i fugn«, e i r«ccónd«n« tùtt'i lòr« sv«ndùr«.
U zizì, ellóre, i pòrt« dénd'a càsa suòj« ndóv« stév« sul« ca móglj«.
I dùji v«cchiarièll«, vist« ca n« t«név«n« figlj«, d«cid«n« d« t«nérz«l« ch« lòr«.
Cèrt« ca vit« iè pròpj« stran«: pròpj« quann« piènz« ca t« va tutt« mmalamènd« e canùšc« sùl'i p«rzón« cattìv«, ècch« ca sp«ranz« vè fòr« e t« fa capì c'a vit« iè fatt« d« mal« e d« bbèn«, d« scurdj« e d« lustr«, d« d«sp«razión« e d« cund«ndézz«.
|
|
|
|
|
|
|||
