|
CARNEVALE DE PRIME
Carnevale ricce, ricce
Maccarune e savicicce
Che prièzze mmane e quille
Tu che junte e che rizzille
Castagnòle e tammurrièlle
Cùvece e càvece e tarantelle
Urganette e pantuline
Chi catarre e nzi a matìne
Masquarate chi pagliacce
I guagliune chi mustacce
Chi pe gobbe erret'i grine
Ze nturnave nu cuscine
Chi de patre guardiane
Chi de vecchia ruffejàne
Chi de pazze o segnurine
Chi de moneche cappuccine
Che na vàreve longhe e belle
Tutte stoppe o cannavelle
Chi de prevete o suldate
Ze vesteve e strata e strate
Scève tutt'a cumpagnia
Ze ballave mmiez'a vie
Belli tiempe so fenùte
Chi tu dice eddò so jute
Ah! che rise e che llegrìe
So passate lli pazzìe
Quanne Ngicche ze vesteve
De pagliacce e nnanze jeve
Tutte ghianche de farine
Ncape ca facce cuscine
Fatt'e ppizze e mappuccielle
Proprie come e nu fratielle
E che llucche può jettàve
Nchilli junte e chi passave
Può cu turcenielle mmane
Li guagliune da luntane
Te scanzave e cierte strille
Ze ngrifàvene i capille
Ca di recchie end'u ciufielle
Te pigliavène u ciuruvielle
Te facèvene u surdelline…..
Ndove è jute ll'ammuine?
Me recòrde quanne Ngicche
Lu scarpare ticche ticche
Tanne pòvere e mò cchiù ricche
Ntiste come e nu ciuficche
Te facève e Pulecenelle
E a quarèseme vecchiarelle
Ta faceve tale e quale
A bon'àleme Pasquale
Di Pasquale di Zampine
Che felàve lane e line
Ca chenocchie e che nu fuse
Luonghe e tutte ntruppecuse
Pe verticchie na patane
Vrugnelose o quarantane
Chi capille può de stoppe
E purtàve ncopp'a groppe
Ghè, na sceme e quane e llà
Ngicche può teràve u ciucce
Ciuppecanne, crucce, crucce
E facève u pulecenelle
Ncule i sceve na pannelle
Ngape gue che cuppelone
Nquille piezze de nasone
Nquella facce ghianche e nere
Te cacciave llu messère
Cierti fièrchie, cierti llucche
Mentre che nu stejavùcche
Ze stujàve nquante nquante
Mbacce e ll'uocchie fraffe e chiante
E gramàve e llà gramàve
Na campane può sunave
E chiagnève e Carnevale
Isse e a vecchie de Pasquale
Che sciuppàvene i capille
Mmiez'e llucche, fierchie e strille
Reputanne e Carnevale
Ncopp'u ciucce tale e quale
Com'u Rusce Carmenòne
Tutte cocce e cu trippone
Nu sacchitte se ne sbaglie
Tutte frasche e tutte paglie
Nu pupatte, nu pagliacce
Che na màsquere pe facce
Che nu cappellacce viecchie
Che calàve ncopp'i recchie
Turze, turze e ze mmuccave
Nnante e rrete e quartejàve
Come e quanne u Sciampagnòne
Ze retire cu pellone
Mbaccia sere locche locche
Sott'u spuorte de Ze Rocche
Pprièsse epprièsse li guagliune
Che campane e campanune
Ciufillitte e campanelle
Ccumpagnàvene a vecchiarelle
E lluccàvene e distèse
Tuorne tuorne pu pajese.
Carnevale ricce ricce
Maccarune e savecicce
Savecicce mmalacotte
Vattuppure chi l'à cotte
Mi ricorde quanne Ngicche
Lu scarpare ticche ticche
Tanne povere e mo cchiù ricche
Che parève u frampellicche
Quanne ntubbe ze vestève
Ca sciammèreche e te faceve
Mbacce a sere e ventun'ore
Mmiez'a chiazze u prufessor
Juste ncopp'u munezzàre
Ntra na sotre de quatrare
Nu turnielle de perzone
Tutte na pupulazione
Isse ncoppe e na buffette
Chi medaglie ppese mpiette
Che nu tubbe viecchie e stinte
Da bon'àleme Don Giacinte
Cumenzave e predecà
Tutte quille ch'eva fa;
E diceve:" I songhi l'uoma
Che minuto so da Roma
Songhi miediche e dittora
Soni grandi prufissora
Sacci fa l'upiraziona
Tutti quanti a li pirzona
O so ruossa o picciulella
O so giuvne o vecchiarella
Sonni avta o sonni vascia
Pure e chilli dend'a fascia
Taglia i coccia, taglia i cossa
Sfonni i cula, rompi l'ossa
E vi cacci li vidella
Vi rimett'i ciruvella
Su minèta, bona gente
I vi cacci tutti i dienta
I vi cacci puri l'uocchia
Vi ddirrizza li dinuocchia
Vi sturcina, vi sturzella
Vi ricconcia li patèlla;
Vuje tineta nu dilora;
Vi lu leva chi dduj'ora
Vi fa male nu spazzilla
Vuje tineta li scazzilla.
Tu che tiè? Tiè a cacarelle
Nu magliuocca ni vidella
Nu timona dend'u luffa
Vi lu leva chi nu sbruffa.
Ni vi piacia quissu nasa
Vi lu taglia rasa rasa
Vi lu cagna e ppiacera
Sì, signora cavaliera.
Lei nti piacia quissi recchia
Lesti, lesti vi spellecchia
Vi li cconcia, vi li mozza
Vi li llonga, vi li strozza
Vi li facci piccirella
Ricchiitella, ricchiitella
O di cchiù piccirilletta
Lesti, lesti vi rissetta
O piccirillettilluccia
Lesti, lesti vi li sbuccia.
I so stati Mbulgaria
A Milanica, a Bbazzìa
Traunàra e Munacesca
Mmiezi griecia e chi pulacca
Pe Ciuppìta mmiezi vacca
Può na Russia, e nu Giappona
Chianilaccia, Stripparona
E Cicaca e na Trucchìa
Puri denda a cunciarìa
E ni fatta chi ni fatta
Uprazione u quaranta quatta
E Guglielma Mparatora
Ca tinèva nu dilora
Da trent'anna dendi grina
Neh! Che jèva? Nu picina
Perché quista da guagliona
Balluccata z'evi puona
N'uova cruda sane sana
(Che ze jute e balluccana?)
Che teneva a ngallatora
E te scoppa dend'e n'ora
Nu picina, nu picina
Che dallà mputeve scina
E l'è state pe trent'anna
Dend'u cuorpa ricantanna:
Ui e ui e ui e uina
I da qua nin pozze scina".
Quanna può ca li cacciata
Neh! sapeti chi n'à data,
Nu miliona e cinquicienta
Di sgrugnuna sott'i dienta
Neh! pirchè neh! ma pirchena
Pirchè ghisse jev'u rrena
E li rre, vuje sapeta
Cavicieina pirrèta.
Ma mo basta, bona genta
Chi di vuje tinessi nienta
Nu bibbona, nu dilora
Qua ci sta lu prufissora
I vi voglia upirana
Nimmavèti da paàna
I lu facce pi la gloria
E me baste sul'a storia
Ca di me può parlarrà
Disgraziata umanità.
Nquistu mentre mmiez'a vie
Lluccà siente: "Mamma mie
Via su ca mo me more
Su currète, oh! che delore".
Ze revòte tutt'a gente
E na vecchie ze ppresente
Senza diente e reppezzate
Che na trippa rrebbuttate,
E che dice: "Oh! mamma mie,
Lè ca tenghe a trebbusìe".
Leste lè duje masquarate
Cata vecchie so rruvate
E calosce une ze mette
E ta porte na buffette
E la ncoppe a fa settà
Ca za leste duperà.
A mmalate llucche e llucche
Ngicche cacce u stejavùcche
E ti stujje e pprima a facce
Può ta ngappe pe nu vracce
E a ussèrve e ccone e ccone
Tutta quante pa perzone
Può ze vote mbacce a gente:
" Nin né nienta, nin né nienta".
Qua zi tratta di ntistìna
Da viscica e cularina
Ca pi bbìa di nu catarra
Ntra di lora stann'e sciarra
Pi nu cacchia di rignona
Prisintusa e birbantona
Ca nisciuna i fatte sia
Zi sa fani e gnè bbuscìa
So saputa cierti storia
Baste mo, mannàmi ngloria,
Ca pirchèna u stummachiella
Steve e llite e u ficatiella
Tutti odia e gilusia
Ca perché i faceve a spìa
Quillu cacchia di rignona
Nziempe chillu pilimona
A capite mo, ca quilla
Nci tineva u rancichilla
Pi lla tali miguzella
Che vò fa semp'a zitella
Meni uojja e crai mena
Comi Mmarta e Matalena
Mo ciù dica e mo nciù dica
La sapute mo a viscica
Tire, tire e i cacce pure
Tutta quante a parature
Quelle llucche e nzi ne freche
Ngicche taglie e piglia a seche
Na vesciche chiena chiene
Isse a cacce, e mmalappène
Ca vesciche fore i cacce
Piglie e a sprisce e tutte mbacce
E firnisce ca u birbante
Mbonna a facce e tutte quante.
Ntante cacce llà malate
Lluccà a siente e n'avtu late
Ze ppresente nu suldate
Che te u dente cavutate
Leste piglie u prufissore
Na tenaglie e cacce fore
Qualu dente; tante n'uosse
Larghe e luongo, ruosse ruosse
Ca jè propie na mascelle
De nu ciucce o de vetelle.
Può vè u ciuoppe e vè u cecate
Venne i ciunche e struppejàte
Na buffette mmiez'a chiazze
Uperèje u prufessore
Li guarisce e ze fa nnore
Sta e chi i cacce i ciruvelle
Sta e chi leve na patelle
E cuntèneve de stu passe
Nchi za piglie e nchi za lasse
Nzi che tante va a segnore
Che jè prene e te u delore
Ngicche piglia e a fa feglià
E pe cìtele che ffa?
Vote cacce na pupatte,
Vote u cane e vote a gatte
Ogni anne sempe fa
Cacche bella nuvetà.
Ma da che mo ze ccasate
Ngicche a fatte una mmuccate
E ne vò cchiù pazzejà
Penze sule e ffatejà.
Carnevale ricce, ricce
Piglia e corra: Com'è stata?
Facci frunta e para e spara
E ntra parapiglia e para
T'à sfregnàt'u cularina
Che faceva cchiù mmuina
E ntra l'àveta misfatta
Pur'u puorce e u capeuatta
E parlave nzotta a vocia
E mitteva carn'e cocia
E faceve, guè, alla spiccia
Rejj l'acqua ent'u pilliccia
Baste mo. Tu cacce fora
E l'à ditte che n'à ditta:
" Sciè nu fessa, e statti zitta".
Chi sciè tuna e chi so ija
So mbrugliata i rascenìa
So ppuràta, i nen me spieca
Tutte quanta i cape cieca
E ze smovina i vidella
Zi Maria chill'animella
E ze ppicce nu fracassa
Nu rivota, nu scunquassa
Nzi chi sciuta so e mazzata
Chi cchiù a vuta e chi cchiù a data
Mo perciò stanne mpiammata
Rescaldata a bburritata
Ntummacata e vvilinata
Na matassa mmatassata
Ntra di lora e pe sbrugliana
Zenna sula recapana.
Mo ci cacce nu martiella
Na tenaglie e scarapielle
Può na seche e nu serracchie
Spìnnele, runce e verdelacchie
Può ze ffuce e fa ngappà
A malate e llà pe llà
Taglie, taglie sotta veste
Piglie e tire e cacce leste
Ca tenaglie na vedelle
Longa longhe e vreduselle.
Maccarune e savicicce
Neh! Sapisce ndove è ghiùte?
Jè nnascuse o jè perdute?
I nu sacce e manche tu
Baste e ze ne parle cchiù.
|