Quanne rire nciele u sole

Quanne scoppene i viole,

Quanne a terra ze reveste,

Ze fa belle e mette mpeste

Ze guarnisce de verdure,

Tutte fronne e tutte hiure

Quanne cantene i cardille,

Quanne escene i muschille,

E pell'arie cante e vole

Calandrielle e terragnole...

Mmiez'i chiuppe u tirlurì

Chiagne, e u rille fa ri, ri...,

E u cucule fa cu... cu...,

Tic... tic... u piette rusce

Dend'i fratte e rrette i frusce;

Nu parcuozze u ruscegnuole

Cantà siene e te cunzuole;

E ze vede a palummelle

 Ncopp'i rape e a nzalatelle;

Esce a l'ape ca frummiche,

Scopp'a rose, ca riddiche...;

e rezompene i crapitte...;

Gira a gatte ncoppe u titte...

Ciammaruche ncoppe i spine;

Ranucchielle ent'i cutine?

Quanne arrive a rennelelle

Piette ghinche e vrunnetelle;

E pe ttuorne i campanare

Ze fa tante a facennare;

Tuorne e ttuorne i rumanelle

Ze fa u nide a manachelle

E pi greppe da hiumare

Piglia a crete e pi penciare...;

Quanne arrive u rennelone

Che pell'arie fa u girone,

E giranne e schere nzin'a sere...;

Strille e fische nzin'a sere...;

Quanne abbrile pe finì

Sta... che scine pe ne scì;

E pe tutte li campagne

Siente suone, cante e lagne;

Mbecce e l'arbre e i pedale

(mo che nchiane e mo che cale)

Ppese sta a calavruselle

Tra quatrare e guagliuncelle,

E cantà tu siente. Ah no,

L'alma mia, lu core no,

Proprie tanne iè rruvate

A madonne d'Incurnate.

Vè da Ricce a bandarelle,

Vè u tammurre e l'acciarine,

Vè u tamuurre e l'acciarine,

A rangasce e u calarine,

E vè a museche e ddavere

O d'Orsogne o sanseviere;

E ze fa a Benedizione

E ze fa a preggessione

Chi stannardele i vergenelle

Chi muzzelle li fratielle;

E può a sere ze fa u spare

Mmiez'i llucche di quatrare;

E ze cante l'avtanie,

Quann'e mbecce a' vemmaria,

Chi tre, e i lampeiune,

E ze trasce ngunecchiune

Dent'a chiesia llumenate.

Ncoppa 'a cerquele ssattate

Sta a Madonne, e pare ntrone,

E te ncape tre curone;

Te de quarte n'angelille

Scenne aperte e piccirille,

Che reghegne u secchietielle

Scarciacappe e i vuvarielle.

Tu che feste e che preiezze,

Che delizie e cuntettezze!

Quante è belle, quant'è care

L'avtanie di Madunnare

Quillu cante da Madonne

Te ricorde a ninna nonne,

S. Michele cu demonie

A carregne S. Antonie.

Ie nu cante, nu Iamiente,

Ie du core nu turmiente,

Na canzone disperate,

Na preghiere ddulerate,

Quanne a siente mmiez'a vie;

E fa u core sparpetà,

Te fa chiangne e fa penzà.

Mbacce i sette da matine

Ze cumenze n'ammuine.

Ttuorne a chiesie 'u cementierie

Che trappielle, neh! Che fierie!

Tutt'i ciucce, i cavallucce,

Vaccarelle e vitellucce,

Tutt'i vuove ngiurgellate

Chi campane strata strate,

I mulette, i crape i zurre

Vanne e ssuone de tammurre;

Tutte nnocche e nnucchetelle,

Tutte hiure e zagarelle

Mpont'i corne e mbacce i recchie,

Pi gregnere e pi curnecchie;

Mbacce i code hiure e hiuocche,

Mbacce i ngine e ni sagliocche;

Mbacce i vriglie e ni capezze

Che sbiannore e che bellezze!

Lucecheiene llì groppe

Come e sustenm e brelloche.

Tutt'i fibbie e i guarnemiente,

Nzò d'attone, sò d'argiente.

I cavalle rezzellante

Tu che seta relucente!

Quillu pile e chilli mante,

Niro o saure, so brellante.

Chilli code e lli gregnere,

Che matasse di seta nera!

Chilli vuove ghianche chianche

Vanne svelte e ne zò stanche.

E ze sentene i campane

Da nu miglie de luntane.

Ghianche come nu lenzuole,

Fanne l'onne sott'u sole.

Une e une i carravane

Chi pasture e chi qualane,

E chi pungeche e chi ngine,

O chi vereghe longhe e fine

Chi sagliocche ncopp'i spalle,

Lavurate rosce e gialle;

Cu capane ncoppe eu vracce,

Ppezzutate li mustacce;

Chi cu sicre e chi cu hiore,

Cu cappielle a tradetore,

Tenne mmane li nturcette,

Na cannela bbenebette

Che na rosa nnargentate,

Cu garofene scarlate;

Chi va a pede e chi a ccavalle,

Sta chi porte i cascavalle;

Chi na treccia torza, torza,

Tutte paste de scamorze,

Tè tracolle a petterate

Da cammiscia rracamate.

E ccavalle i guardeiane

Vanne e nnante e tenne mmane

Burretate i carravasce,

Patruncine mbacce i fasce,

Rrete i spalle u duie botte!

Mo e galoppe e mo de trotte

Tenn'i placche nu cappielle:

Iè Luviggie Vincenzielle;

E quill'avete u sbrafante,

Iè Carlucce Muregante.

Può i pasture: Palemitte,

Chiase Longhe, u Uocchie stritte,

Cacciafume e Pettelone,

U Papisse cu Sbrafone,

Matteiucce e nghecchetielle,

I Lummane e Giacchetielle;

Ce sta Paule Rusate

Che Sapone e cu Scarciate,

I Iacurte e Carmenelle,

Pizzacalle e Barbarelle;

Che Prumacchiie e chi Vredette,

Capeghianghe, i Izze e i Pette;

Preventine e Giuvannone

Che Rusette e che Scialone

Tuorne tuorne fann'i gire:

Che fracasse e tira tira,

Che trappielle de zampate,

Pagnuttelle de cacate!

Ogni tanta na lamizza,

Cacche vove che te sgrizze,

Tu che luotene e che fierie,

Tuorne tuorne u ciumenterie!

Gire, gire Serpentine,

Masanielle e Trapuline,

Capelègge e Pauncèlle,

Maccafàfe e Signurèlle,

Munachielle e Palluttine,

Zuccarine e Calandrine,

Che Barone e che Fuggiane,

Che Gentile e Marcheggiane,

Fuggianelle e Rafanièlle,

Famuline e Avicielle,

che  Marchese e che Gravine,

che Stelline e Aquiline,

Che Belline e che Ciccille,

Che Giuielle e che Cardille :

Ruscilille,  Trecciabelle,

Menelicche e Margiaselle,

Re Giuvanne, Uocchiepelline,

Che Pecciòne, e che Fruntine,

Balzanielle e Cecacielle ;

E ce sta Sarapuchièlle,

Scarpalegge e Tarantine,

Zengarielle e Urcelline.

Trunche e tranche, ncoppe e sotte,

Chi e galoppe e chi de trotte

E può quanne so stancate,

Chi grignere ngiurgellate,

Tutte hiure e zacarelle,

Tutte nnocche e nnucchetelle,

E può quanne so mbuntate,

E i cappielle so cacciate,

Esce u prèvete ca stole,

Esce può Mastenecole :

Benedice e l’acqua sante

Mene ncape e tutte quante.

Può ze pigliene i nturcètte,

I cannéle benedette,

E retornene i cavalle,

Mule e ciucce dent’i stalle.

E può venne i carravane,

E tu siente da luntane

I campane fa mbò mbà

Nzi che tante enna rruvà.

Sonn’i vuove di Frabutte,

Hiuòcche nire stanne e lutte,

Sonn’i vuove di Rusate,

Di Mattei e da Suldate,

Di Chelocchie e Crapegliùne,

siente siente i campanune !,

Colamusse e , 'On Salvatore,

tenne i hiuocche de chelòre !.

E può venne locche locche

I Duàtte e tutt’i Cocche.

Fann’u gire e mmane e mmane

Come rrive a carravàne,

Luccà siente : Verriò !

E i campane : Bombalò !

Biancugiglie e Muntedòre,

Culunnèlle e Servetore,

Capurale e  Granatiere,

Pennardone e Barzagliere,

Fioravante e Palazzuole,

Cavaliere e Muntagnole,

Cunzegliere e Ramugliette,

Graziuse e Pallunette,

Portahiure e Sarracine,

Albechiare e Matutine,

Bellemunne e Patuvane,

Capriuole e Turlentane,

Naplutane e Mbaratore,

Liunette e Minzegnore.

Ce sta può Bellavedute

Che jè u vòve cchiù sapute.

E può venne i vaccarelle

Curalline e Cartabelle,

Prencepesse e cuntadine,

Cuncettelle e Pupattelle,

Sarrafine e Ariabelle,

Munachelle e Mariarose,

Stelladore e Cuntegnose,

Mussenere e Capestrine,

Sguizzarelle e Mariannine.

E può doppe beneditte,

Ze ne vanne zitte zitte?

Zitte zitte? Mo a sbagliate :

Tu che chiasse ndiavulate !

Che lamizze spase nterre

Nquillu forte serra serre !

E può quanne so partute,

Manche tutte jè fernute.

Venn’i crape ncampanàte,

Tutte ricce e ncannaccàte,

Tutte hiure e zacarelle,

Capesciole e cartabelle,

Ciampanielle nnargentate,

E ze fanne i tre gerate.

Quanne può chenne fenute,

Nnant’a chiesie so menute,

Ze fa nnanze u Saciardote :

L’acqua sante che tre vote

Te sgrizzeie e ccone e ccone,

E li da a benedezione…….

Zecquà ! llucchene i crapàre.

Sfolle tutt’a guagliunare.

………………………..

Dent’a chiesie mo ze sente

Dice a messe e cantà a gente,

Là pe nnante so restate

Pagnuttelle de cacàte,

Pagnuttelle de cavalle,

Gialle e tonne e calle calle 

Cierte rote de lamizze,

so frettate o sonne pizze ?,

E puo tanta cacaccielle

Tunne come e acenielle,

Come e tanta pennelille

Da fa mette ngarzaville……

………………………

Te vuò fa na cura a guanne ?

Rapr’a vocche e mine nganne…..