"A CUNCELIAZIONE"

I

Pe ssott'a porte u giuvedì matine
d'auste vènne e vénne i serretane
puparulare so de Carlantine
zelluse de Mentorie e rutejane
che folle guè, tu vide e che mmuìne
quanta spertùne: fiquere e patane
cepolle e pempedore da riggine
melùne, cascavielle mulegnàne.
U pupe vènne i fòglie e nze ne ncarche
se sente astemà Lucia Camille.
Ciancelle rrive e i turtarielle scarche
e mmieze e llu revuote ncopp'a ville
come e dduje casciajuole de S.Marche
D.Giacheme spassèje e Cola Pilla. 

II

Smove caville e cetazione mbroglie
na coccia suoie llu cacchie Donnecole
tu pe ppezzùche pe chiantà scarole
quillu bastone che pare na nnoglie.
Don Giacheme può i zelle tu scummoglie
ch'artiquele de legge ogni parole
de sgrizze de sputàte te cunzole
te mbonn'a facce e ddove coglia-coglie.
Ecche e Fatticce e può Mechele Valle
e Pasqualine u guardie e Don Blaviano
che llu bastone e macchie nere e gialle
de fècte savecicce porte mmane
e D.Mechele i llucche e rrete i spalle
ca mane mbacce u musse: Esse u cane.

III

(parl'u speziale)
" Don Blaviane trasce, buonasera
pigliate a segge, nen te vuò ssettà
da cecche t'enne fatte cavaliere
a misse n'arie manche nu pascià
vicesinneche, ssessore e cunzegliere
cunceliatore e i gurdie fa tremà,
ma può che tutte ca sta ncannelière
chilli mandàte nemm'i fa paà
mo che Giurdane e mo Iennare Rusàte
a pràteche, a Pestecchie, i mezemmèrze
càveze e ruole e puorce pu pajèse
sule e ssi cose, che sciè bbummarate,
piènze, e pu rieste tutt'e tiempe perze
ma i u diche sempe: sciè grasso borghese.

IV

(responne D.Blaviane)
"Grasso borghese, seh! mo dice bbuone
se tu sapisce tutt'i guaje mie
ellore diciarrisce: cià rragione.
Tu sta ssettate dend'a farmacie
ma se mmenisce u giuvedì nu ccone
e mezejuorne na Cancellerie
quanne mmantènghe cunceliazione
che guaie, diciarrisce, mammamie,
a cocce perdarrisce, i ceruvèlle
nprà tanta tirannìe, llucche e strille
sta Cicce che ze ncazze, D.Marcelle
che ffacce nzi capisce che caville
ma cchiù de tutte scòrcene i vedelle
llu Giacheme Ciavarre e Cola Pille.

V

" Flaviane nte vuò fa na passejàte".
U chiame e nnant'a porte 'On Pasqualine
e u speziale: U siente. E quanne iàte
e rennuvà Dann'Anna Cusentine
Dorròcche, zizì Cole, u giudecate
cataste e ruole e D. Pasquale Albine
sentenze du sessante zzeffunnàte
bugliette du stavàve Custantine.
I figlie Donn'Arriche e Peppenelle
ricive e tastamiente du chèlere
successiùne e tasse da paà
e stime de cumpasse e cancelliere
Lulle, Pietre Masce Ciancepelle
e u tiempe Culeùnte e Trabbarà.

VI

Quella Cunceliazione tu che chiasse
jè sempe nu revuòte e n'ammuine
tirannie, carapopele e fracasse
na fierie, guè, ca màje va pe finìne
a voglie e llucca u scière, ca nze lasse
di chiacchierejà e fa sciàrre, e nze cumbine
niente e ll' ncoppe. Ce ze va pe spasse
chiù pejje e du cafène e da cantine
mo siente rire e mo fa custeione
- "Ventènne i nte pertève da pagàne
ca tu piglie e ne mmanne a cetazione
tu scie nu fesse e tu nu ruffejane
nen ziente àvete nquella cumpesione
figlie de scrofe e figlie de puttane.

VII

I me recòrde e Ntonie Cappuccine
u sciere de na vote, chi mustacce
sempe rrùtate, come nu ssassine
ca nu putive manche guardà mbacce
-" Silenzio, porco io.- E la mmuine 
ze ccuiatave. E se llungave u vracce
tremavene vvùcate e cuntadine
ze reventave u giudece nu stracce
tu qualu marascialle capezzùte
Vettoria Mmanuvèle e ddèleate
tterrève u munne sule cu stranùte
ma u guje è ca purtave rretenàte
na freche de fraffùse mmana nute
cu pannellòne vritte de cacàte.

VIII

L'udienza è aperte, llucche Pasqualine
e trascene Sabbetta Cummenzàne
u figlie Vencenzielle Cappuccine
u Ciuoppe Pezzanère e u Rutejàne
Matteie u nevaiuòle e Giammarine
a panettère e u sturne de Casciane
Ruscètte che Carrozze e Mazzarrine
Saìne e Luveselle a Matreciane
Tabbòrre e Mecalangele Marrone
Ngònghele, Agnele e Bbesce e u Uocchiestritte.
D.Blaviane ncòpp'u seggelone
che D.Marcelle e manche e Cicce e ritte
D.Giacheme e Cola Pilla e nu pentòne;
l'udienza è aperte e tutte stanne zitte.

IX

Ma rrive n'ata troppe de perzone
Cielle, Iennare Rusate, e Bacchettelle
Carne e Cepolle, Cierre e Sufellòne
Ciatarre, u Pampaluse e Cecacielle
a moglie Coppa-coppe e Sabettòne
sciò Nunzie Pelapaglie e Cascianelle 
a figlie de Tumase Pennardòne
Cillìtte, a Spaccavòsche e Iennarelle.
Bbasce pe scale siente n'ammuìne
-" Tu sciè nu fesse ".- "E tu nu pigliancùle".-
So i voce de Mbullètte e Pellegrine.
-" Curnute, u chiame quille, e quille :-Mule.
E a storie ze fernisce tanne sule
quanne che scegne e i cacce Pasqualine.

X

Ze chiame a prima càveze: Sabbètte 
e Leopolde, a merce, e ze da fuoche
na scene de teàtre, nu duette
ca smove u munecipie e ppoche e ppoche
tu che cummèdie e farze de Scarpette.
Quelle che dice: - Asciè nu ppiccia-fuoche
e quelle: - Ma che vò quistu pumette
e quelle: - Non conoscio e quessa lloche 
e quelle: - Tu a stuvàle sciè de tate 
e nen canusce e me. Quille: - Alto là
e quelle: - Va ca sciè coccia pelate.
- E me coccia pelate. Maestà
ti metto guerra, leste t'ho sparate
ecco il cannone ... Bum, parà, parà.

XI

- Stèteve zitte, llucche D.Blaviane,
oje Pasqualine, cacce fore e chisse;
e a gente rire e dice:- Assat'i fane
tante che ttante ce ze sonne misse.
E ze cunteneve può quille baccàne
nzì che vè n'ata càveze:- U Papisse 
cu Ciuoppe Barbarelle e a Matreciane
cu Nuvaiuole e nquande spisse spisse
tu siente e Leopolde che schiamazze
e dice:- La mia merce, il mio cannone
Sabetta, porco io, le metto guerra
enzì che D.Blaviane nen ze ncazze
e llucche: - Ma vo scì stu lazzarone.
Jesse e lluccàne pa porte da terre.

XII

Ze chiame n'ata caveze: Giammarine
Vècere contre e Giacheme Ciavarre
ma doppe nu menùte che mmuìne
chi àveze u bastone e chi na varre.
Rusina a moglie come n'assassine
mène cucciate e càvece e nne sgarre
manche na botte, tutt'errèt'i grine
i coglie mo e Saìne e mo e Ciatàrre.
D.Blaviano llucche:- Carbuniere
oje Pasqualine, tu che cazze fa
spìcceme e chisse e leste cacci fore.
Ma queste gnè crianze e gnè manère...
Uh! che cummèdie che ze fanne e llà
chi sonna sonne, tutte nu chelòre.

XIII

Può vè Denate Cerce e u Sciampagnone
Sciommònte Muccechille e Pizzacalle
e ze cumènze n'ata cumpesione
tu c'ata storie può ze tire mballe.
Astème e llucche e cacche secuzzòne
nge reste che vedè curtielle e palle
e D.Blaviane n'a chi da rragione
e cuncelièie e nzi che nen ze ncalle
e fenalmente zompe e jett'a segge
-che scète fore, llucche, scete fore
Può ngappe u campanielle e dice ellòre:
-Mbacce vu mene cazze e se ve sfrégge
ve mmanne e mette i punte pe diamore.

XIV

Può ve na càveze de na femmenèlle
ca u puorce z'a magnate na galline
pe ddestemònie port'a Cannavèlle
e va truvanne vintitrè carrine
e D. Necole te defènne e quelle
Don Giacheme e quell'àvete e n'ammuìne
cumenze tra de loro propie belle 
forze e ppalàte pure enna rrescìne
fa D.Necole:- Giàcheme, nce ccucchie
e quille:- Tu Necòle, nen capìsce
Tu smamme fessarie cu spertone
e tu sciucchèzze dice e mucchie e mucchie
e nzì che D.Blaviane na fernisce
i llucche ncape e cessa a custeiòne.

XV

Ma a parte può cchiù belle ta fa Cicce
quanne ze ncazze e llucche pe nu niente
mo u fa tuccà de nièrve Fatticce
ca u chiame ciente vote e nen ce sente
e mo ca D.Blaviane nenze spicce
e a piglie pelejànne che lla gente
e ghisse tè che fa, tè l'ati mbicce
bilance e ruole e l'ati sacramente
e D.Blaviane scote, capuzzèje
può ze fa rusce e llucche: - Ma eja cazze
qua ze fa a legge, Cicce, e nze pazzèje
te cride che qua stème mmiez'a chiazze
vide sa scrive e ne truvà pelèje
o sa se pure e mme vuò fa scì pazze.

XVI

Piglie e responne Cicce:- Pazze,pazze
e n'ata vote, e sempre ssa pazzìe
ma io fò il m io dovere e non m'incazzo
mo ce vò u fatte, ca sciè ssignerie
che c'entra neh!, che c'entra questa pazzia.
Ma io sto sempre qui e a casa mia 
e ci ho il cervello a posto, e mi strapazzo
soltanto qui, ncopp'a Cancellarie
tengo diagnosi poi che non ho niente
Bazzicalupo, Bianchi e Pappagallo
e se volete, pronti io ve li mostro.
E D.Blaviane: - Siente Cicce,siente
finisce, u sa ca cià scucciàte i palle
u vi ca fatte? a remmuccate u gnostro.

XVII

Può vè a càveze da Sagnlujanèse 
che vive ze vò magnà Lucia Camille
llucche ca la refà de tutt'i spese
sinnò ti vò streccià li quatte zille
e l'à pagà nzì ll'uteme turnèse
e quelle scacchie l'uocchie chi scazzille
i gonne ze retire che tè ppèse
e i fierchie i fa rruvà nzì ncopp'a ville
e dice:- Cazze, i ti là caccià i vedelle
e quelle:- E me i vedelle, ppò
ngi strille D.Blaviane e D. Marcelle
- Baste, perdie, fenète cazze, mò.

XVIII

Ncape de n'ore de stu parapiglie
ze vè stufà pur'isse u cavaliere
cumenze e gnascejà, fa u lasse e piglie
ze stennerìche e àle e zzènne u sciere
quiste u capisce, sule smovi i cigli.
L'udienza è chiuse, llucche e bonasere
e sfòllene da sale du cunziglie
chi rire chi astème e ze despère
spisse pi scale fanne custeiòne
e cacche vote siente sunà i scaffe
e lluccà siente a gente che ze sfesse
de sanghe, cchiù de une ze sfaffe
e queste jè storie da Cunceliazione
ca da c'ù munne è munne è sempre a stesse.